HIKAYAT ATAU LIEKE ACEH( "NURAKA TUJOH")

Nuraka tujoh su - uem leupah that

keupada umat nyang puebuet dosa

Nyang tan sembahyang nyang puebuet jahat

Sinan keuh teumpat geu' azeub siksa

RADAT:

Teuma nyang keuphon geukheun  JAHANNAM

Sinan siksaan urueng  durhaka

Urueng  nyang kufur keupada ALLAH

Lam nurakanyan seulama- lama

Nuraka LAHZA teuma ' oh lheuh nyan

Nyang than sembahyang sinan geusiksa

Deungon apui hu  meubalot badan

Uraoe ngon malam hana pre reuda

Teuma nyang keulhee nuraka HUTHAMAH

Azeub sileupah apui that raya

nyang peuloet binatang deungon meutaroh

Uleue nyang pajoh tuboh anggota

Nuraka SA-IR TEUMA nyang keupeut

di sinan geutet nyang ba  peusuna

Nyang ba - ba fitnah geupoh geuseunuet

Tuboh dum lut - lut , taklik meu- 'a -'a

Nuraka SAQAR teuma keulimong

Geu azeub sinan ureueng meuzina

Nyang puebuet maksiet agam ngon inong

keunong siksaan meubagoe rupa

Nuraka JAHIM teuma  nyang keunam

keunong siksaan ureueng brat dosa

keurija buet brok uroe ngoen malam

lam nuraka nyan geu azeub siksa

Tuema keutujoh nuraka HAWIYAH

Sue- um that leupah hana bandengsa

soe nyang tan ade jahe peurintah

siksaan ALLAH hana soe publa

wahe kawom lon umat islam

inong ngon agam tuha ngon muda

tapuebut suroh peujioh larang

tapeukong iman bek syethan peu daya